പാരീസ് ഒളിമ്പിക്സ് ഹോക്കിയില്‍ ഗ്രൂപ്പ് മത്സരത്തില്‍ ഇന്ത്യക്ക് രണ്ടാം ജയം...
പാരീസ് ഒളിമ്പിക്സ് ഹോക്കിയില്‍ ഗ്രൂപ്പ് മത്സരത്തില്‍ ഇന്ത്യക്ക് രണ്ടാം ജയം... അയര്‍ലാന്‍ഡിനെ എതിരില്ലാത്ത രണ്ട് ഗോളിനാണ് തകര്‍ത്തത്. ജയത്തോടെ പൂള്‍ ബിയില്‍ ഇന്ത്യ ടേബിള്‍ ടോപ്പറായി.
വ്യാഴാഴ്ച നടക്കുന്ന അടുത്ത മത്സരത്തില്‍ ബെല്‍ജിയമാണ് എതിരാളികള്‍. കഴിഞ്ഞ മത്സരത്തില്‍ ഇന്ത്യ അര്‍ജന്റീനയോട് സമനിയയില്‍ പിരിഞ്ഞിരുന്നു. ഇരട്ടഗോള്‍ നേടിയ ഹര്‍മന്‍പ്രീത് സിങിന്റെ ചിറകിലേറിയാണ് ഇന്ത്യ വിജയം നേടിയത്.
പെനാല്‍റ്റി സ്‌ട്രോക്കില്‍ നിന്ന് ആദ്യ ഗോള്‍ നേടിയ ഹര്‍മന്‍പ്രീത് രണ്ടാം ക്വാര്‍ട്ടറില്‍ പെനാല്‍റ്റി കോര്‍ണറില്‍ നിന്ന് മറ്റൊരു ഗോള്‍ നേടി. പെനാല്‍റ്റി കോര്‍ണറുകളില്‍ ഗോള്‍ നേടാന്‍ നിരവധി അവസരം അയര്‍ലന്‍ഡിന് ലഭിച്ചെങ്കിലും ഇന്ത്യന്‍ പ്രതിരോധത്തില്‍ തട്ടി തകര്‍ന്നു.
നേരത്തെ ഷൂട്ടിങ്ങിലൂടെ ഇന്ത്യ രണ്ടാം മെഡല്‍ സ്വന്തമാക്കിയിട്ടുണ്ടായിരുന്നു. 10 മീറ്റര്‍ എയര്‍പിസ്റ്റള്‍ മിക്സഡ് വിഭാഗത്തിലാണ് മനു ഭാക്കര്‍-സരബ്ജ്യോത് സിങ് സഖ്യം വെങ്കലം നേടിയത്.
https://www.facebook.com/Malayalivartha
