ദേശീയ ഓപ്പണ്‍ അത്‌ലറ്റിക്‌സില്‍ വനിതകളുടെ ലോങ് ജമ്പില്‍ ആന്‍സി സോജനും പുരുഷന്മാരുടെ 800 മീറ്ററില്‍ പി മുഹമ്മദ് അഫ്‌സലും സ്വര്‍ണം
ദേശീയ ഓപ്പണ്‍ അത്‌ലറ്റിക്‌സില്‍ വനിതകളുടെ ലോങ് ജമ്പില്‍ ആന്‍സി സോജനും പുരുഷന്മാരുടെ 800 മീറ്ററില്‍ പി മുഹമ്മദ് അഫ്‌സലും സ്വര്‍ണം
ഇരുവരും സര്‍വീസസിനായാണ് മത്സരിക്കുന്നത്.
പുരുഷന്മാരുടെ 400 മീറ്റര്‍ ഹര്‍ഡില്‍സില്‍ സര്‍വീസസിന്റെ മറ്റൊരു മലയാളിതാരം എം പി ജാബിര്‍ രണ്ടാംസ്ഥാനം സ്വന്തമാക്കി. ട്രിപ്പിള്‍ ജമ്പില്‍ കേരളത്തിന്റെ വി എസ് സെബാസ്റ്റ്യന്‍ വെങ്കലവും നേടി. റെയില്‍വേസിനാണ് (318 പോയിന്റ!് ) ഓവറോള്‍ കിരീടം. പുരുഷന്മാരില് സര്‍വീസസ് 137 പോയിന്റുമായി ഒന്നാമതായി. വനിതകളില്‍ റെയില്‍വേസ് (201) ഒന്നാമതെത്തി.
ആന്‍സിയുടേത് തകര്‍പ്പന്‍ പ്രകടനമായിരുന്നു. 6.71 മീറ്റര്‍ ചാടിയായിരുന്നു നേട്ടം. 2002ല്‍ അഞ്ജു ബോബി ജോര്‍ജ് കുറിച്ച മീറ്റ് റെക്കോഡിന് അരികെയെത്തി. 6.74 മീറ്ററായിരുന്നു അഞ്ജു ചാടിയത്. ആന്‍സിയുടെ ഏറ്റവും മികച്ച പ്രകടനമാണിത്. മീറ്റിലെ മികച്ച താരവും ഇരുപത്തിമൂന്നുകാരിയാണ്. പുരുഷന്മാരില് തമിഴ്‌നാട് സ്പ്രിന്റര്‍ നിതിന്‍ മികച്ച താരമായി മാറി.
https://www.facebook.com/Malayalivartha
