പാരിസില്‍ 70 വര്‍ഷത്തിനിടെ ഇറ്റലിയുടെ ആദ്യ ജയം... യുവേഫ നേഷന്‍സ് ലീഗില്‍ ഫ്രാന്‍സിനെ വീഴ്ത്തി ഇറ്റലി....
പാരിസില്‍ 70 വര്‍ഷത്തിനിടെ ഇറ്റലിയുടെ ആദ്യ ജയം... യുവേഫ നേഷന്‍സ് ലീഗില്‍ ഫ്രാന്‍സിനെ വീഴ്ത്തി ഇറ്റലി....ഒന്നിനെതിരെ മൂന്ന് ഗോളിനാണ് ഇറ്റലിയുടെ ജയം.
കളി ആരംഭിച്ച് സെക്കന്റുകള്‍ക്കുള്ളില്‍ ഫ്രാന്‍സ് ഗോള്‍വല കുലുക്കി. ബ്രാഡ്ലി ബാര്‍ക്കോളയാണ് ആദ്യ മിനിറ്റില്‍ ഗോള്‍ കരസ്ഥമാക്കിയത്.
മുപ്പതാം മിനിറ്റില്‍ ഇറ്റലിയുടെ തിരിച്ചടി. ഫെഡറിക്കോ ഡി മാര്‍ക്കോയാണ് ഇറ്റലിയെ ആദ്യപാതിയില്‍ ഒപ്പമെത്തിച്ചത്. ആദ്യ പകുതി 1-1ല്‍ അവസാനിക്കുകയും ചെയ്തു.
51ാം മിനിറ്റില്‍ ഡേവിഡെ ഫ്രറ്റേസി ഇറ്റലിക്ക് ലീഡ് സമ്മാനിച്ചു. 74-ാം മിനിറ്റില്‍ വിജയമുറപ്പിച്ച മൂന്നാം ഗോളും പിറന്നു. ചരിത്രം തിരുത്തി ഇറ്റലിയുടെ മധുരപ്രതികാരം.
70 വര്‍ഷത്തിന് ശേഷം പാരിസില്‍ ഫ്രാന്‍സിനെതിരെ നേടുന്ന ആദ്യജയം. മറ്റൊരു മത്സരത്തില്‍ ബെല്‍ജിയം ഒന്നിനെതിരെ മൂന്ന് ഗോളിന് ഇസ്രയേലിനെ തോല്‍പിച്ചു. ക്യാപ്റ്റന്‍ ഡിബ്രുയ്നി ഇരട്ട ഗോള്‍ നേടി. ഒന്നിനെതിരെ മൂന്ന് ഗോളുകള്‍ക്ക് ആധികാരിക ജയമാണ് നേടിയത്.
https://www.facebook.com/Malayalivartha
