യുഎസ് ഓപ്പണില് കിരീടം ചൂടി ബെലറൂസിന്റെ അരിന സബലേങ്ക.... നിങ്ങള് സ്വപ്നം കാണുകയും അതിനായി കഠിനാധ്വാനം ചെയ്യുകയും ചെയ്താല് നേട്ടം നമ്മെ തേടിയെത്തുമെന്ന് സബലേങ്ക
യുഎസ് ഓപ്പണില് കിരീടം ചൂടി ബെലറൂസിന്റെ അരിന സബലേങ്ക. ഫൈനലില് അമേരിക്കന് താരം ജെസീക്ക പെഗുലയെയാണ് അവര് തകര്ത്തത് . കഴിഞ്ഞ വര്ഷത്തെ യു.എസ് ഓപ്പണിലെ നിരാശ കൂടി മായ്ക്കുന്നതായി സബേലങ്കയുടെ വിജയം.
യു.എസ് ഓപണ് നേട്ടത്തോടെ മൂന്നാം ഗ്ലാന്ഡ്സ്ലാം കിരീടമാണ് സബേലങ്ക നേടുന്നത്. ഈ വര്ഷത്തെ ഓസ്ട്രേലിയണ് ഓപ്പണ് കിരീടവും അവര് നേടിയിട്ടുണ്ടായിരുന്നു.
ത്രില്ലര് പോരില് 7-5,7-5 എന്ന സ്കോറിനാണ് പെഗുലയെ സബലേങ്ക തോല്പ്പിച്ചത്. ഇതോടെ ഹാര്ഡ് കോര്ട്ടുകളില് തന്റെ മേധാവിത്വം അരക്കെട്ടുറപ്പിക്കാനും സബേലങ്കക്ക് കഴിഞ്ഞു. പ്രധാനപ്പെട്ട ടൂര്ണമെന്റുകളില് ഹാര്ഡ് കോര്ട്ടില് 14 മത്സരങ്ങളില് അവര് തോറ്റിട്ടില്ല.
വാക്കുകള് അതീതമാണ് ഈ നേട്ടമെന്ന് സബലേങ്ക പ്രതികരിച്ചു. ഒരുപാട് കാലമായി ഈ ട്രോഫി താന് സ്വപ്നം കാണുന്നു. ഒടുവില് അത് ലഭിച്ചിരിക്കുകയാണ്. നിങ്ങള് സ്വപ്നം കാണുകയും അതിനായി കഠിനാധ്വാനം ചെയ്യുകയും ചെയ്താല് നേട്ടം നമ്മെ തേടിയെത്തുമെന്ന് സബലേങ്ക കൂട്ടിച്ചേര്ക്കുകയുണ്ടായി.
"
https://www.facebook.com/Malayalivartha