സംസ്ഥാന സ്‌കൂള്‍ കായികമേള; ആദ്യ മീറ്റ്‌ റെക്കോഡ്‌ പാലക്കാടിന്റെ പി.യു. ചിത്രയ്‌ക്ക്‌
സംസ്ഥാന സ്‌കൂള്‍ കായികമേളയില്‍ ആദ്യ മീറ്റ്‌ റെക്കോഡ്‌ പാലക്കാട് മുണ്ടൂര്‍ സ്‌കൂളിലെ പി.യു. ചിത്രയ്‌ക്ക്‌. സീനിയര്‍ പെണ്‍കുട്ടികളുടെ 3000 മീറ്ററില്‍ 9 മിനിറ്റ്‌ 54 സെക്കന്‍ഡില്‍ ചിത്ര ഫിനിഷ് ചെയ്‌തു. പാലക്കാടിന്റെ ചിത്രയ്‌ക്കു പിന്നാലെ കോഴിക്കോടിന്റെ ആതിര രണ്ടാമത്തെ റെക്കോഡ്‌ സ്വന്തമാക്കി. ജൂനിയര്‍ പെണ്‍കുട്ടികളുടെ 3000 മീറ്ററിലാണ്‌ നെല്ലിപ്പോയില്‍ സ്‌കൂളിലെ ആതിര സ്വര്‍ണം നേടിയത്.
അമ്പത്തി ഏഴാമത്‌ സംസ്ഥാന കായികമേളയ്‌ക്ക്‌ ഇന്ന് രാവിലെയാണ്‌ കൊച്ചിയില്‍ തുടക്കമായത്‌. ആണ്‍കുട്ടികളുടെ 5000 മീറ്ററില്‍ ഒന്നാമതെത്തിയ മുണ്ടൂര്‍ സ്‌കൂളിലെ പി.ആര്‍ . രാഹുലന്റെ വകയായിരുന്നു മീറ്റിലെ ആദ്യസ്വര്‍ണം. 15:28.6 സെക്കന്‍ഡിലാണ് രാഹുല്‍ ഫിനിഷ് ചെയ്തത്.
പാലക്കാട് പറളി സ്‌കൂളിലെ ജെ.സതീഷ് വെള്ളി നേടി. തിരുവനന്തപുരം സായിയിലെ ഷിജോ രാജനാണ് വെങ്കലം. ജൂനിയര്‍ ആണ്‍കുട്ടികളുടെ 3000 മീറ്ററില്‍ കോതമംഗലം മാര്‍ ബേസില്‍ സ്‌കൂളിലെ ബിബിന്‍ ജോര്‍ജ് സ്വര്‍ണം നേടി (09:02.70 സെ) പാലക്കാട് മുണ്ടൂര്‍ സ്‌കൂളിലെ എന്‍ .കെ.കിഷോര്‍ വെള്ളിയും പാലക്കാട് പറളി സ്‌കൂള്യിലെ പി.എം. സഞ്ജയ് വെങ്കലവും നേടി.
ജൂനിയര്‍ പെണ്‍കുട്ടികളുടെ 300 മീറ്ററില്‍ എറണാകുളം പെരുമണ്ണൂര്‍ സ്‌കൂളിലെ പി. ആര്‍ . അലീഷയ്ക്കാണ് വെങ്കലം.
https://www.facebook.com/Malayalivartha
