ആനന്ദ്‌ ഒന്നാം സ്‌ഥാനത്ത്‌
ബള്‍ഗേറിയയുടെ വസേലിന്‍ ടോപലോവിനെ ഒന്‍പതാം റൗണ്ടില്‍ തോല്‍പ്പിച്ച്‌ ഇന്ത്യയുടെ മുന്‍ ലോക ചാമ്പ്യന്‍ വിശ്വനാഥന്‍ ആനന്ദ്‌ കാന്‍ഡിഡേറ്റ്‌ ചെസ്‌ ടൂര്‍ണമെന്റില്‍ ഒന്നാംസ്‌ഥാനത്തു തുടര്‍ന്നു.
ഒന്‍പതു റൗണ്ടുകളിലായി ആറു പോയിന്റ്‌ നേടിയാണ്‌ ആനന്ദ്‌ ഒന്നാംസ്‌ഥാനത്ത്‌ നില്‍ക്കുന്നത്‌. അര്‍മീനിയയുടെ ലെവന്‍ അര്‍നോണിയോന്‍ അഞ്ചു പോയിന്റുമായി പിന്നിലുണ്ട്‌. അസര്‍ബൈജാന്റെ ഷഖ്രിയാര്‍ മെഡ്രൈയോവ്‌, റഷ്യയുടെ വ്‌ളാഡിമര്‍ ക്രാംനിക്ക്‌, സെര്‍ജി കാര്‍ജാകിന്‍ എന്നിവര്‍ 4.5 പോയിന്റ്‌ നേടി. ആനന്ദ്‌ വര്‍ഷാവസാനം ലോക ഒന്നാം നമ്പര്‍ നോര്‍വേയുടെ മാഗ്‌നസ്‌ കാള്‍സനിനെതിരേ നടക്കുന്ന ലോക ചാമ്പ്യന്‍ഷിപ്പിനു യോഗ്യത നേടാനുള്ള സാധ്യത ഇരട്ടിയായി. ചെന്നൈയില്‍ നടന്ന ലോകചാമ്പ്യന്‍ഷിപ്പില്‍ ആനന്ദിനെ തോല്‍പ്പിച്ചാണു കാള്‍സെന്‍ ലോകചാമ്പ്യനായത്‌.
അഞ്ചു റൗണ്ടുകള്‍ ശേഷിക്കേ ഒരു പോയിന്റിന്റെ ലീഡ്‌ നേടിയതാണ്‌ ആനന്ദിന്റെ സാധ്യത വര്‍ധിപ്പിച്ചത്‌. മൂന്നു റൗണ്ടുകളില്‍ വെള്ളക്കരുവുമായി കളിക്കാമെന്നത്‌ ആനന്ദിന്റെ വിജയസാധ്യത വര്‍ധിപ്പിച്ചു.
https://www.facebook.com/Malayalivartha
