യുഎസ് ഓപ്പണ്‍ ടെന്നീസ് വനിതാ വിഭാഗത്തില്‍ അമേരിക്കയുടെ സെറീനാ വില്യംസിന് ഹാട്രിക് കിരീടം. ഫൈനലില്‍ ഡെന്മാര്‍ക്കിന്റെ കരോളിന്‍ വോസ്‌നിയാക്കിയെ തോല്‍പിച്ചാണ് സ്‌കോര്‍ 6-3, 6-3 ന് സെറീന കിരീടം നിലനിര്‍ത്തിയത്. ആറുവട്ടം ചാമ്പ്യനായ സെറീന ഇക്കുറി ഹാട്രിക് നേട്ടത്തിനൊപ്പം ക്രിസ് എവര്‍ട്ട്, മാര്‍ട്ടീന നവരത്‌ലോവ എന്നിവര്‍ക്കൊപ്പം 18 ഗ്രാന്‍ഡ്സ്ലാം കിരീടമെന്ന നേട്ടവും സ്വന്തമാക്കി.

ലോക റാങ്കിങ്ങില്‍ ഒന്നാം സ്ഥാനത്തെത്തിയിട്ടും ഒരു ഗ്രാന്‍ഡ്സ്ലാം കിരീടം പോലും നേടാനാവാത്ത താരമെന്ന ചീത്തപ്പേര് മാറ്റാനുറച്ചായിരുന്നു ഇക്കുറി വോസ്‌നിയാക്കി ഇറങ്ങിയത്. എന്നാല്‍ തുടക്കം മുതല്‍ ഒന്നാം നമ്പര്‍ താരത്തിന്റെ തലയെടുപ്പോടെ കളത്തില്‍ നിറഞ്ഞുനിന്ന സെറീന ഹാട്രിക് കിരീടം സ്വന്തമാക്കി.