ലോക ഷൂട്ടിങ്‌ ചാമ്പ്യന്‍ഷിപ്പില്‍ ഇന്ത്യയിലെ ജിത്തു റായിക്ക്‌ വെള്ളി ലഭിച്ചു. 50 മീറ്റര്‍ പിസ്റ്റള്‍ വിഭാഗത്തിലാണ്‌ ജിത്തു വെള്ളി നേടിയത്‌. ലോക ചാമ്പ്യന്‍ഷിപ്പില്‍ ഇത്‌ റായിയുടെ പത്താം മെഡലാണ്‌. ദക്ഷിണ കൊറിയയുടെ ജീന്‍ ജൊന്‍ഗോയ്‌ക്കാണ്‌ സ്വര്‍ണം. ജിന്‍ 192.3 പോയിന്റ്‌ നേടിയപ്പോള്‍ ജിത്തു 191.1 പോയിന്റാണ്‌ നേടിയത്‌. യോഗ്യതാറൗണ്ടില്‍ 29.9 പോയിന്റ്‌ നേടി മുന്നിട്ടു നിന്ന റായി രണ്ടാം ഘട്ടത്തിലാണ്‌ പിന്നോക്കം പോയി 1.2 പോയിന്റിന്റെ ലീഡ്‌ വഴങ്ങിയത്‌. 172.6 പോയിന്റ്‌ നേടിയ ചൈനയുടെ പാങ്‌ വെയ്‌ വെങ്കലം നേടി.
ഗ്ലാസ്‌ഗോയില്‍ നടന്ന കോമണ്‍വെല്‍ത്ത്‌ ഗെയിംസിലും, ലോകചാമ്പ്യന്‍ഷിപ്പിലും ജയിച്ച ജിത്തു ഒന്‍പത്‌ ദിവസത്തിനിടെ മൂന്ന്‌ ലോകകപ്പ്‌ മെഡല്‍ നേടി.