കാമുകിയെ കൊലപ്പെടുത്തിയ കേസില്‍ ബ്ലേഡ് റണ്ണര്‍ ഓസ്‌ക്കാര്‍ പിസ്റ്റോറിയസ് കുറ്റക്കാരനെന്ന് കോടതി. കാമുകിയെ അബദ്ധത്തില്‍ കൊലപ്പെടുത്തിയതെന്നാണ് കോടതി കണ്ടെത്തിയത്. പിസ്റ്റോറിയസ് ആസൂത്രിതമായല്ല കൊല നടത്തിയതെന്ന് മുന്‍ വിചാരണകളില്‍ കോടതി കണ്ടെത്തിയിരുന്നു.
ആസൂത്രിതമായ കൊലപാതകമല്ലെന്നു തെളിഞ്ഞതോടെ ജീവപര്യന്തത്തില്‍ നിന്ന് പിസ്റ്റോറിയസ് രക്ഷപെട്ടിരുന്നു. എന്നാല്‍ മനപൂര്‍വമല്ലാത്ത നരഹത്യയ്ക്ക് പിസ്റ്റോറിയസിന് 15 വര്‍ഷം വരെ തടവ് ലഭിക്കാം. വീട്ടില്‍ അതിക്രമിച്ചു കയറിയ അക്രമി എന്നു കരുതിയാണ് കാമുകിയായ റീവയെ വെടിവയ്ക്കുകയായിരുന്നു എന്ന പിസ്റ്റോറിയസിന്റെ വാദം കോടതി ശരിവയ്ക്കുകയായിരുന്നു.
കഴിഞ്ഞ വര്‍ഷം ഫെബ്രുവരി 14ന് വാലന്റൈന്‍സ് ദിനത്തിലാണ് പിസ്റ്റോറിയസിന്റെ വീട്ടില്‍ കാമുകി റീവയെ വെടിയേറ്റു മരിച്ച നിലയില്‍ കണ്ടെത്തിയത്. അക്രമി എന്നു കരുതി വെടിവയ്ക്കുകയായിരുന്നു എന്നാണ് പിസ്റ്റോറിയസ് പോലീസില്‍ മൊഴി നല്‍കിയത്.