ഏഷ്യന്‍ ഗെയിംസ്‌: 10 മീറ്റര്‍ എയര്‍റൈഫിളില്‍ ബിന്ദ്രയ്‌ക്ക്‌ വെങ്കലം
ഇഞ്ചോണില്‍ നടക്കുന്ന ഏഷ്യന്‍ ഗെയിംസില്‍ 10 മീറ്റര്‍ എയര്‍ റൈഫിള്‍ വ്യക്തിഗത ഇനത്തില്‍ അഭിനവ്‌ ബിന്ദ്രയ്‌ക്ക്‌ വെങ്കലം. ഈ ഇനത്തിലെ സ്വര്‍ണവും വെങ്കലവും ചൈനീസ്‌ താരങ്ങള്‍ സ്വന്തമാക്കി. ഇതോടെ ഇന്ത്യ ഇന്ന് രണ്ടു വെങ്കലങ്ങള്‍ സ്വന്തമാക്കി. രാവിലെ നടന്ന 10 മീറ്റര്‍ എയര്‍ റൈഫിള്‍ ടീമിനത്തിലും ഇന്ത്യയുടെ അഭിനവ്‌ ബിന്ദ്ര, സഞ്‌ജീവ്‌ രജ്‌പുത്‌, രവികുമാര്‍ എന്നിവരടങ്ങി#ോ ടീം വെങ്കലം നേടിയിരുന്നു.
മെഡല്‍ നിലയില്‍ ചൈനയാണ്‌ ഒന്നാംസ്ഥാനത്ത്‌. രണ്ടാം സ്ഥാനത്ത്‌ ദക്ഷിണകൊറിയയാണ്‌ . ഇന്ത്യ പതിമൂന്നാം സ്ഥാനത്തായി .ബിന്ദ്രയുടെ വിടവാങ്ങല്‍ മത്സരമാണിത്‌. ഏഷ്യന്‍ ഗെയിംസിനു ശേഷം പ്രൊഫഷനല്‍ ഷൂട്ടിങ്ങില്‍ നിന്നു വിരമിക്കുമെന്ന്‌ ഒളിംപിക്‌ സ്വര്‍ണമെഡല്‍ ജേതാവായ അഭിനവ്‌ ബിന്ദ്ര പറഞ്ഞിരുന്നു. എന്നാല്‍ 2016 റിയോ ഒളിംപിക്‌സില്‍ പങ്കെടുക്കുമെന്നും ബിന്ദ്ര ഉറപ്പു നല്‍കിയിട്ടുണ്ട്‌.
https://www.facebook.com/Malayalivartha
