ഏഷ്യന്‍ ഗെയിംസ്‌ : റോവിങ്ങില്‍ ഇന്ത്യയ്‌ക്ക്‌ രണ്ടു വെങ്കലം
26 SEPTEMBER 2014 08:42 AM IST
മലയാളി വാര്‍ത്ത.
ഏഷ്യന്‍ ഗെയിംസ്‌ റോവിങ്ങില്‍ നിന്ന് ഇന്ത്യയ്‌ക്ക്‌ രണ്ടു വെങ്കലം കൂടി നേടാനായി. പുരുഷന്മാരുടെ സിംഗിള്‍ സ്‌കള്‍സ്‌ റോവിങ്ങില്‍ സ്വരണ്‍ സിങ്ങും എയ്‌റ്റിലുമാണ്‌ ഇന്ത്യയുടെ വെങ്കലനേട്ടം
പുരുഷന്മാരുടെ സിംഗിള്‍ സ്‌കള്‍സില്‍ ഏഴ് മിനിറ്റ് 10.65 സെക്കന്‍ഡില്‍ ഫിനിഷ് ചെയ്താണ് സ്വരണ്‍ സിങ് വെങ്കലമണിഞ്ഞത്. ആദ്യ ആയിരം മീറ്ററില്‍ ഒന്നാം സ്ഥാനത്തായിരുന്ന സ്വരണ്‍ പിന്നീടുള്ള 500 മീറ്ററില്‍ രണ്ടാം സ്ഥാനത്തേയ്ക്കും അവസാനം മൂന്നാം സ്ഥാനത്തേയ്ക്കും പിന്തള്ളപ്പെടുകയായിരുന്നു. ഗ്വാങ്ഷുവിലെ സ്വര്‍ണ മെഡല്‍ ജേതാവ് ബജ്‌രംഗ്‌ലാല്‍ തക്കര്‍ അടക്കമുള്ളവര്‍ അണിനിരന്ന റോവിങ് എയ്റ്റിലാണ് ആറാം ദിനം ഇന്ത്യയുടെ രണ്ടാം വെങ്കലം.
ഇതോടെ ഇന്ത്യയ്‌ക്ക്‌ ആകെ 12 വെങ്കലം ലഭിച്ചിട്ടുണ്ട്‌. ഒരു സ്വര്‍ണവും ഒരു വെള്ളിയും വെങ്കലങ്ങളുമടക്കം 14 മെഡലുകളാണ്‌ ഇന്ത്യയ്‌ക്കുള്ളത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
