ഏഷ്യന്‍ ഗെയിംസ്‌ : അമ്പെയ്‌ത്തില്‍ ഇന്ത്യയ്‌ക്ക്‌ സ്വര്‍ണം
27 SEPTEMBER 2014 08:42 AM IST
മലയാളി വാര്‍ത്ത.
ഏഷ്യന്‍ ഗെയിംസില്‍ ഇന്ത്യയ്‌ക്ക്‌ രണ്ടാമത്തെ സ്വര്‍ണം കരസ്ഥമാക്കി. പുരുഷന്മാരുടെ അമ്പെയ്‌ത്ത്‌ കോമ്പൗണ്ട്‌ വിഭാഗം ടീമിനത്തിലാണ്‌ ഇന്ത്യയുടെ സ്വര്‍ണ നേട്ടം. ഫൈനലില്‍ രജത്‌ ചൗഹാന്‍, സന്ദീപ്‌ കുമാര്‍, അഭിഷേക്‌ വര്‍മ എന്നിവരുള്‍പ്പെട്ട ഇന്ത്യന്‍ ടീം ദക്ഷിണ കൊറിയന്‍ ടീമിനെ 225 പോയിന്റിനെതിരെ 227 നാണ്‌ പരാജയപ്പെടുത്തിയത്‌. അമ്പെയ്‌ത്തില്‍ ആദ്യമായാണ്‌ ഇന്ത്യ സ്വര്‍ണം നേടുന്നത്‌.
അമ്പെയ്‌ത്തില്‍ വനിതകളുടെ ടീമിനത്തില്‍ ഇന്ത്യ വെങ്കലം നേടി. കോമ്പൗണ്ട്‌ വിഭാഗത്തില്‍ തൃഷാദേബ്‌, പുര്‍വഷ ഷെന്‍ഡെ, സുരേഖ ജ്യോതി എന്നിവര്‍ ഉള്‍പ്പെട്ട ടീമാണ്‌ മെഡല്‍ നേടിയത്. ഇറാനെയാണ്‌ ഇന്ത്യ തോല്‍പിച്ചത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
