എന്നെ കുറിച്ച് വരുന്നവ പാതി ശരിയും പാതി നുണയുമാണ്.... അതിനാല്‍ ഞാനും ജീവിതമെഴുതുന്നു
എന്നെക്കുറിച്ചു വരുന്ന വാര്‍ത്തകളില്‍ പാതി ശരിയും പാതി നുണയുമാണ്. അതുകൊണ്ട് സ്വന്തം ജീവിതമെഴുതാന്‍ തീരുമാനിക്കുകയായിരുന്നു. പറയുന്നത് ടെന്നീസ് സുന്ദരി സാനിയ മിര്‍സ.
സാനിയ മിര്‍സ ആത്മകഥ എഴുതുകയാണ്. 26 അധ്യായങ്ങള്‍ പൂര്‍ത്തിയായിക്കഴിഞ്ഞു. ആത്മകഥ എന്നു പ്രസിദ്ധീകരിക്കണമെന്ന കാര്യത്തിലാണു സംശയം. ദിവസങ്ങള്‍ കഴിയുന്തോറും പുതിയ അധ്യായങ്ങള്‍ ഉണ്ടായി വരികയാണ്. ഇങ്ങനെ പോയാല്‍ ജീവിതം പോലെ ആത്മകഥയെഴുത്തും നീളും. അതുകൊണ്ട് പ്രസിദ്ധീകരണത്തെക്കുറിച്ച് ആലോചിക്കേണ്ട സമയമായെന്നു സാനിയ പറയുന്നു.
സച്ചിന്റെ ആത്മകഥ ഉയര്‍ത്തിവിട്ട വിവാദങ്ങളെക്കുറിച്ച് സാനിയയുടെ അഭിപ്രായം, പുസ്തകം വില്‍ക്കാന്‍ വേണ്ടിയല്ല വിവാദങ്ങള്‍ ഉള്‍പ്പെടുത്തുന്നത് എന്നാണ്. സച്ചിന്‍ ഒരിക്കലും അങ്ങനെ ചെയ്യില്ല.
അഞ്ചുവര്‍ഷത്തിനിടെ മൂന്നുവട്ടം ശസ്ത്രക്രിയയ്ക്കു വിധേയയാകേണ്ടിവന്നതുകൊണ്ടാണ് സിംഗിള്‍സ് ഉപേക്ഷിച്ച് ഡബിള്‍സ് മല്‍സരങ്ങളില്‍ ശ്രദ്ധിക്കാന്‍ തീരുമാനിച്ചതെന്നും സാനിയ മാധ്യമങ്ങളോടു പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
