പി.എസ്.ജി യുവതാരം എംബപ്പേ ഭാവിയില്‍ ഫുട്‌ബോള്‍ ലോകം കണ്ട എക്കാലത്തെയും മികച്ച താരമായി മാറുമെന്ന് നെയ്മര്‍. താനും എംബപ്പേയും തമ്മിലുള്ള ബന്ധം ഗ്രൗണ്ടിലും പുറത്തും മികച്ചതാണെന്നും നെയ്മര്‍ കൂട്ടിച്ചേര്‍ത്തു. ബാഴ്‌സലോണയില്‍ മെസ്സിയും താനും തമ്മിലുണ്ടായിരുന്ന അതെ ബന്ധമാണ് ഇപ്പോള്‍ താനും എംബപ്പേയും തമ്മിലുള്ളതെന്നും നെയ്മര്‍ വ്യക്തമാക്കി.'തങ്ങള്‍ പരസ്പരം സഹോദരങ്ങളെ പോലെയാണ് പെരുമാറുന്നതെന്നും പരസ്പരം അസൂയ വെച്ച് പുലര്‍ത്തുന്നുമില്ല. ഞാന്‍ ഇപ്പോഴും ഗോള്‍ഡന്‍ ബോയ് എന്നാണ് എംബപ്പേയെ വിളിക്കുന്നത്.
ഒരു നാള്‍ ലോകം കണ്ട മികച്ച ഫുട്‌ബോള്‍ താരമായി എംബപ്പേ മാറും. തനിക്ക് പറ്റുന്ന രീതിയില്‍ താന്‍ എപ്പോഴും എംബപ്പേയെ സഹായിക്കാറുണ്ട്' നെയ്മാര്‍ പറഞ്ഞു.മൊണാകോയില്‍ നിന്ന് 2017ല്‍ പി.എസ്.ജിയിലെത്തിയ എംബപ്പേ ഈ കാലയളവില്‍ രണ്ടു ലീഗ് 1 കിരീടങ്ങള്‍ നേരത്തെ നേടിയിരുന്നു.

ഇതിനു പുറമെ ഫ്രാന്‍സിന്റെ കൂടെ റഷ്യയില്‍ നടന്ന ലോകകപ്പ് കിരീടവും താരം നേടിയിരുന്നു. ഈ സീസണില്‍ 24 ഗോളുകളും 6 അസിസ്റ്റുകളുമായി മികച്ച ഫോമിലാണ് എംബപ്പേ.