യൂറോ കപ്പ് ഫുട്ബോള് ടൂര്‍ണമെന്റില്‍ ഫിന്‍ലന്‍ഡിനെതിരായ മത്സരത്തിനിടെ കുഴഞ്ഞുവീണ ഡെന്‍മാര്‍ക്ക് താരം ക്രിസ്റ്റ്യന്‍ എറിക്സണ് അവസരോചിതമായി വൈദ്യ സഹായം എത്തിക്കാന്‍ മുന്നിട്ടിറങ്ങിയ സഹതാരങ്ങളെ പ്രശംസിച്ച് ഫുട്ബോള് ലോകം.... ആശുപത്രിയിലേക്ക് മാറ്റിയ എറിക്സണ് അപകടനില തരണം ചെയ്തതായി യുവേഫ
യൂറോ കപ്പ് ഫുട്ബോള് ടൂര്‍ണമെന്റില്‍ ഫിന്‍ലന്‍ഡിനെതിരായ മത്സരത്തിനിടെ കുഴഞ്ഞുവീണ ഡെന്‍മാര്‍ക്ക് താരം ക്രിസ്റ്റ്യന്‍ എറിക്സണ് അവസരോചിതമായി വൈദ്യ സഹായം എത്തിക്കാന്‍ മുന്നിട്ടിറങ്ങിയ മാച്ച് റഫറി ആന്റണി ടെയ്ലറെയും സഹതാരം സൈമണ്‍ കെയറെയും ഫുട്ബോള് ലോകം പ്രശംസിക്കുകയാണ്.
എറിക്സണ് കുഴഞ്ഞുവീഴുന്നതുകണ്ട ഉടന്‍ മത്സരം നിര്‍ത്തിവെച്ച് വേഗത്തില്‍ മെഡിക്കല്‍ സംഘത്തെ ഗ്രൗണ്ടിലേക്ക് ടെയ്ലര്‍ വിളിച്ചുവരുത്തി. ടെയ്ലറുടെ സമയോചിതമായ ഇടപെടല്‍ മൂലം എറിക്സണ് പെട്ടന്ന് തന്നെ വൈദ്യ സഹായം ലഭിച്ചു.
അബോധാവസ്ഥയില്‍ നാവ് വിഴുങ്ങിപ്പോകുമായിരുന്ന എറിക്സണെ അതിനനുവദിക്കാതെ പിടിച്ചു നിര്‍ത്തി മെഡിക്കല്‍ സംഘത്തിന് വലിയ സഹായമാണ് സൈമണ്‍ ചെയ്തത്. സൈമണിന്റെയും ടെയ്ലറുടെയും സമയോചിതമായ ഇടപെടലുകളില്ലായിരുന്നെങ്കില്‍ എറിക്സണ് വലിയ അപകടത്തിലേക്ക് വഴുതി വീഴുമായിരുന്നു.
ഗ്രൗണ്ടില്‍ പ്രാഥമിക ശുശ്രൂഷകള്‍ നല്‍കിയതിനുശേഷം ആശുപത്രിയിലേക്ക് മാറ്റിയ എറിക്സണ് അപകടനില തരണം ചെയ്തതായി യുവേഫ അറിയിച്ചു. അദ്ദേഹത്തിന് ബോധം തിരിച്ചുകിട്ടി.
അതിവേഗത്തില്‍ എറിക്സണ് വൈദ്യ സഹായം എത്തിച്ചതുമൂലമാണ് താരത്തിന് ജീവിതത്തിലേക്ക് തിരിച്ചെത്താന്‍ സാധിച്ചത്. അതിന് പ്രധാന പങ്കുവഹിച്ച ആന്റണി ടെയ്ലറും സൈമണും ചുരുങ്ങിയ നിമിഷം കൊണ്ട് ആരാധകരുടെ മനം കവര്‍ന്നു.
ഇംഗ്ലണ്ടിലെ മാഞ്ചെസ്റ്റര്‍ സ്വദേശിയായ ആന്റണി ടെയ്ലര്‍ 2013 മുതല്‍ ഫിഫയുടെ അംഗീകാരമുള്ള റഫറിയായി പ്രവര്‍ത്തിച്ചുവരികയാണ്. ഇംഗ്ലീഷ് പ്രീമിയര്‍ ലീഗിലും സജീവ സാന്നിധ്യമാണ് ടെയ്ലര്‍.
എറിക്സണിന്റെ സഹതാരമായ സൈമണ്‍ ഡെന്മാര്‍ക്കിനായി നൂറിലധികം കളിച്ച താരമാണ്. നിലവില്‍ സിരി എയില്‍ എ.സി.മിലാന്റെ സെന്റര്‍ ബാക്കാണ് താരം.
"
https://www.facebook.com/Malayalivartha
