രാജ്യത്തിനായി ഒളിമ്ബിക്​ സ്വര്‍ണ്ണം എറിഞ്ഞിട്ട ജാവലിന്‍ താരം നീരജ്​ ചോപ്രക്ക്​ സമ്മാനം പ്രഖ്യാപിച്ച്‌​ ആനന്ദ്​ മഹീന്ദ്ര. പുറത്തിറങ്ങാനിരിക്കുന്ന എക്​സ്​.യു.വി 700 ആണ്​ ചോപ്രക്ക്​ നല്‍കുക. ട്വിറ്ററിലൂടെയാണ്​ അദ്ദേഹം പ്രഖ്യാപനം നടത്തിയത്​. അത്​ലറ്റിക്​സില്‍ ഒരു മെഡലെന്ന ഇന്ത്യയിലെ ജനകോടികളുടെ സ്വപ്​നം​ യാഥാര്‍ഥ്യമാക്കിയാണ്​ ടോക്യോ ഒളിമ്ബിക്​സ്​ ജാവലിന്‍ ത്രോയില്‍ ചോപ്ര സ്വര്‍ണം നേടിയത്​. 2008ല്‍ ഷൂട്ടിങ്ങില്‍ അഭിനവ്​ ബിന്ദ്ര നേടിയ സ്വര്‍ണം മാത്രമാണ് നൂറ്റാണ്ട്​ ചരിത്രമുള്ള ഒളിമ്ബിക്​സില്‍​ വ്യക്തികത ഇനത്തില്‍ ഇന്ത്യക്കുള്ളത്​.

87.58 മീറ്റര്‍ എന്ന ദൂരത്തേക്ക്​ ജാവലിന്‍ പായിച്ചാണ്​ നീരജിന്‍റെ മെഡല്‍ നേട്ടം. ആദ്യ ശ്രമത്തില്‍ 87.03 ദൂരമാണ്​ നീരജ്​ കണ്ടെത്തിയത്​. രണ്ടാം ശ്രമത്തില്‍ നീരജ്​ ദൂരം മെച്ചപ്പെടുത്തി. പിന്നീടുള്ള ശ്രമങ്ങളില്‍ 87.58 മീറ്റര്‍ എന്ന ദൂരം മറികടക്കാന്‍ കഴിഞ്ഞില്ലെങ്കിലും ഇന്ത്യക്കായി ചരിത്ര മെഡല്‍ നീരജ്​ നേടുകയായിരുന്നു. യോ​ഗ്യ​ത റൗ​ണ്ടി​ല്‍ ഏ​റ്റ​വും മി​ക​ച്ച ദൂ​ര​വു​മാ​യാ​ണ്​ 23കാ​ര​നാ​യ നീ​ര​ജ്​ ഫൈ​ന​ലി​ന്​ യോ​ഗ്യ​ത നേ​ടി​യ​ത്. മി​ക​ച്ച ഫോ​മി​ലാ​യി​രു​ന്ന ഇ​ന്ത്യ​ന്‍ താ​രം ആ​ദ്യ ഏ​റി​ല്‍ ത​ന്നെ 86.59 മീ​റ്റ​ര്‍ ദൂ​ര​ത്തേ​ക്ക്​ ജാ​വ​ലി​ന്‍ പാ​യി​ച്ചാ​ണ്​ യോ​ഗ്യ​ത ഉ​റ​പ്പാ​ക്കി​യ​ത്. 85.64 മീ​റ്റ​ര്‍ ആ​യി​രു​ന്നു യോ​ഗ്യ​ത മാ​ര്‍​ക്ക്. ​ലോ​ക ഒ​ന്നാം ന​മ്ബ​ര്‍ താ​രം ജ​ര്‍​മ​നി​യു​ടെ യൊ​ഹാ​ന​സ്​ വെ​റ്റ​റാ​യി​രി​ക്കും ചോ​പ്ര​ക്ക്​ ഏ​റ്റ​വും വെ​ല്ലു​വി​ളി​യുയര്‍ത്തുമെന്ന്​ കരുതിയെങ്കിലും ഉണ്ടായില്ല.