ന്യൂസിലാന്‍ഡ് മുന്‍ ക്രിക്കറ്റ് താരം ക്രിസ് കെയിന്‍സ് കുഴഞ്ഞുവീണു; ആശുപത്രിയില്‍ പ്രവേശിപ്പിച്ച താരത്തിന്റെ നില ഗുരുതരമെന്ന് റിപ്പോർട്ട്
ന്യൂസിലാന്‍ഡ് മുന്‍ ക്രിക്കറ്റ് താരം ക്രിസ് കെയിന്‍സ് ആസ്ട്രേലിയയിലെ ആശുപത്രിയില്‍ ഗുരുതരാവസ്ഥയിലെന്ന് റിപ്പോര്‍ട്ട്. താരത്തിന്റെ ആരോഗ്യ നില അതീവ ഗുരുതരമാണെന്നാണ് വിവരം. ആസ്ട്രേലിയന്‍ തലസ്ഥാനമായ കാന്‍ബറയില്‍ വെച്ച്‌ കെയിന്‍സ് കുഴഞ്ഞുവീഴുകയായിരുന്നു. താരത്തെ സിഡ്നിയിലെ സ്പെഷ്യല്‍ ആശുപത്രിയിലേക്ക് ഉടന്‍മാറ്റുമെന്ന് ന്യൂസിലാന്‍ഡ് ദേശിയ മാധ്യമങ്ങള്‍ റിപ്പോര്‍ട്ട് ചെയ്തു. ശസ്ത്രക്രിയയോടും അനുകൂലമായി പ്രതികരിക്കുന്നില്ലെന്നാണ് വിവരം.
ഏകദിന ക്രിക്കറ്റിലെ എക്കാലത്തേയും മികച്ച ആള്‍റൗണ്ടര്‍മാരിലൊരാളായി എണ്ണപ്പെടുന്ന കെയിന്‍സ് 215 ഏകദിനങ്ങളിലും 62 ടെസ്റ്റുകളിലും ന്യൂസിലാന്‍ഡിനായി കളത്തിലിറങ്ങിയിട്ടുണ്ട്. 2006ലാണ് കെയിന്‍സ് വിരമിച്ചത്. തുടര്‍ന്ന് ഇന്ത്യന്‍ ക്രിക്കറ്റ് ലീഗില്‍ കളിച്ച കെയിന്‍സ് വാതുവെപ്പ് വിവാദത്തില്‍ അകപ്പെട്ടിരുന്നു. സാമ്ബത്തികമായി ഏറെ ബുദ്ധിമുട്ടുകള്‍ നേരിട്ട കെയിന്‍സ് ബസ് ക്ലീനിങ് ജോലിെചയ്യുന്ന വാര്‍ത്തകള്‍ പുറത്ത് വന്നിരുന്നു.
https://www.facebook.com/Malayalivartha
