കോമണ്വെല്ത്ത് ഫെന്സിങ് ചാമ്പ്യന്ഷിപ്പില് ഇന്ത്യയെ പ്രതിനിധീകരിച്ച ടീമില് മലയാളി പെണ്കുട്ടികളും....
![](https://www.malayalivartha.com/assets/coverphotos/w657/314961_1721284859.jpg)
കോമണ്വെല്ത്ത് ഫെന്സിങ് ചാമ്പ്യന്ഷിപ്പില് ഇന്ത്യയെ പ്രതിനിധീകരിച്ച ടീമില് മലയാളി പെണ്കുട്ടികളും. തലശ്ശേരി സായ് സ്പോര്ട്സ് സ്കൂളിലെ നിവേദ്യ എല്. നായരും റീബ ബെന്നിയുമാണ് ഇന്ത്യക്കായി വാള് വീശി ഫെന്സിങ്ങില് വെള്ളി മെഡല് നേടിയത്.
നിവേദ്യ എല്. നായര്, റീബ ബെന്നി എന്നിവരടുങ്ങുന്ന ഇന്ത്യന് ടീം ഇവന്റില് വെള്ളി മെഡല് നേടി. ഫൈനലില് ഇംഗ്ലണ്ടായിരുന്നു ഇന്ത്യയുടെ എതിരാളി. 37-45 എന്നതായിരുന്നു സ്കോര്. സെമി ഫൈനലില് ആതിഥേയരായ ന്യൂസിലന്ഡിനെ 45-37 എന്ന സ്കോറിന് പരാജയപ്പെടുത്തിയാണ് ഇന്ത്യന് ടീം ഫൈനലില് എത്തിയത്.
ഇടുക്കി ജില്ലയിലെ രാജാക്കാട് എന്.ആര് സിറ്റി സ്വദേശിനി നിവേദ്യ എല്. നായര് വ്യക്തിഗത വിഭാഗത്തില് വെങ്കല മെഡലും സ്വന്തമാക്കിയിട്ടുണ്ട്. ഫെന്സിങ് ചാമ്പ്യന്ഷിപ്പില് ഇ.പി.ഇ.ഇ വിഭാഗത്തിലാണ് നിവേദ്യക്ക് വെങ്കലം ലഭിച്ചത്. നിവേദ്യയുടെ മൂന്നാമത്തെ ഇന്റര്നാഷനല് മത്സരമായിരുന്നു.
നിവേദിത എല്. നായര്, റീബ ബെന്നി, രൂപാലി സാഹു, ഗുര് സിമ്രാന് കൗര്, സെജല് ഗുലിയ എന്നിവര് അടങ്ങുന്നതായിരുന്നു ഇന്ത്യന് ടീം.
"
https://www.facebook.com/Malayalivartha