ഉത്തേജകമരുന്നടി വിവാദത്തില്‍ കുടുങ്ങിയ ടെന്നീസിലെ റജ്യന്‍ ഗഌമര്‍താരം മരിയാ ഷരപ്പോവയ്ക്ക് ടെന്നീസ് ലോകത്തെ സഹതാരങ്ങള്‍ക്ക് വെറുപ്പ്. താരം വലിയ വിലക്ക് തന്നെ അഭിമുഖീകരിക്കുമ്പോള്‍ ടെന്നീസ്‌ലോകത്ത് നിന്നും താരത്തെ പിന്തുണയ്ക്കുന്നവര്‍ കുറവാണ്. ബ്രിട്ടന്റെ പുരുഷതാരം വിവാദത്തില്‍ കുടുങ്ങിയിട്ടും താരവുമായുളള കരാര്‍ തുടരുന്നതില്‍ തന്റെ റാക്കറ്റ് കമ്പനിയ്‌ക്കെതിരേ പരസ്യമായി രംഗത്ത് വന്നു. മിക്ക താരങ്ങളും ഷറപ്പോവയോടുള്ള രോഷമാണ് പ്രകടിപ്പിച്ചത്.

ഷറപ്പോവ കളത്തില്‍ ആരുമായും കൂട്ടുകൂടാത്ത താരമായതിനാല്‍ അവരെ അനുകൂലിച്ച് ആരും രംഗത്ത് വരുമെന്ന് കരുതുന്നില്ലെന്ന് ക്രിസ് എവര്‍ട്ട് പറഞ്ഞു. അവര്‍ ടെന്നീസ് ലോകത്ത് ശരിക്കും ഒറ്റപ്പെട്ടു. കളിക്കളത്തിന് പുറത്താണ് ഷറപ്പോവയുടെ സൗഹൃദം. അവര്‍ക്ക് കളിക്കാര്‍ ആരെങ്കിലുമായി ഹൃദയബന്ധം ഇല്ല. അതുകൊണ്ട് തന്നെ കളിക്കാരില്‍ നിന്നും കൂടുതല്‍ പിന്തുണ ഷറപ്പോവയ്ക്ക് കിട്ടുമെന്ന് കരുതാനാകില്ലെന്നും പറഞ്ഞു.

ജനുവരിയില്‍ നടന്ന ഓസ്‌ട്രേലിയന്‍ ഓപ്പണില്‍ മരുന്നടിച്ചെന്ന ഷറപ്പോവയുടെ വെളിപ്പെടുത്തല്‍ എല്ലാവരേയും പോലെ തന്നേയും ഞെട്ടിച്ചെന്ന് മാത്രമാണ് അഗ്‌നിയേസ്‌ക്കാ റാഡ്വാന്‍സ്‌ക പ്രതികരിച്ചത്്. പെട്രാ ക്വിറ്റോവയ്ക്കും സിമോണാ ഹാലീപ്പിനും ഇത് തന്നെയായിരുന്നു അഭിപ്രായം. ഇതൊന്നും ടെന്നീസിനെ ഒരിക്കലും ബാധിക്കുന്നതല്ലെന്നും കാണികള്‍ പഴയത് പോലെ തന്നെ ടെന്നീസിന് ഉണ്ടാകുമെന്നുമാണ് ക്വിറ്റോവ പറഞ്ഞത്. ഞെട്ടിപ്പിക്കുന്ന വാര്‍ത്തയെന്ന് പ്രതികരിച്ച റാഫേല്‍ നദാല്‍ കായികലോകം ശുദ്ധമാക്കുക തന്നെ വേണമെന്ന് പ്രതികരിച്ചു.

സംഭവിച്ചത് പിഴവായിരിക്കാം പക്ഷേ അത് അവര്‍ക്ക് കൃത്യമായി അറിയുമായിരുന്നിരിക്കണമെന്നായിരുന്നു റാഡ്വാന്‍സ്‌കയുടെ പ്രതികരണം. അതേസമയം ടെന്നീസിലെ സൂപ്പര്‍താരവും ഷറപ്പോവയുടെ വലിയ എതിരാളികളില്‍ ഒരാളുമായ സറീനാ വില്യംസ് നേരത്തേ തന്നെ താരത്തിന് പിന്തുണ പ്രഖ്യാപിച്ചു രംഗത്ത് വന്നിരുന്നു. സത്യം ഇങ്ങിനെ തുറന്നുപറയാന്‍ അസാമാന്യ ധൈര്യം തന്നെ വേണമെന്നും അത് ഷറപ്പോവയ്ക്ക് ഉണ്ടായെന്നുമായിരുന്നു സറീന പറഞ്ഞത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha