യുവരാജ് കൂറ്റനടിക്ക് ശ്രമിച്ചതിനെ ന്യായീകരിച്ച് വിരാട് കോഹ്ലി. ടീം സമ്മര്‍ദഘട്ടത്തില്‍ നില്‍ക്കുമ്പോള്‍ പരുക്ക് പറ്റിയ യുവി വമ്പനടിക്ക് മുതിര്‍ന്നത് ഉചിത തീരുമാനമായിരുന്നെന്ന് കോഹ്ലി പറഞ്ഞു. ഓസ്‌ട്രേലിയയെ മുട്ടു കുത്തിച്ച് ഇന്ത്യന്‍ ടീമിനെ സെമിയില്‍ എത്തിച്ച ശേഷമായിരുന്നു കോഹ്ലിയുടെ പ്രതികരണം.
എന്ത് ചെയ്യണം എന്നതില്‍ ശ്രദ്ധ കേന്ദ്രീകരിക്കാന്‍ വിഷമിച്ച മത്സരമായിരുന്നു ഓസീസിന് എതിരെയുള്ളത്. വമ്പനടിക്ക് ഉടമയായ ബാറ്റ്‌സ്മാനാണ് യുവരാജ്. ടീമിന്റെ അവസ്ഥ പരിഗണിച്ച് കൂറ്റനടികള്‍ക്ക് ശ്രമിക്കാനുള്ള തീരുമാനത്തില്‍ യുവി സ്വയം എത്തിച്ചേരുകയായിരുന്നു. അത്തരമൊരു ഷോട്ടിനിടെ പുറത്താകുകയും ചെയ്തു. അത് തികച്ചും നല്ല ഒരു തീരുമാനമായിരുന്നു.കോഹ്ലി പറഞ്ഞു.
റണ്ണിംഗിലൂടെ റണ്‍ നേടാനാകില്ലെന്ന അവസ്ഥ നിലനില്‍ക്കെ് നേരിടുന്ന പന്തുകള്‍ പരമാവധി അതിര്‍ത്തി കടത്തി കൂടുതല്‍ റണ്‍ സ്‌കോര്‍ ചെയ്യുകയായിരുന്നു ഏകയുള്ള വഴി. ഇതില്‍പ്പരം ഒരു നല്ല തീരുമാനം ആ സമയത്ത് ആര്‍ക്കും എടുക്കാനാകില്ല കൊഹ്ലി കൂട്ടിച്ചേര്‍ത്തു.
തന്റെ കരിയറിലെ മികച്ച ഇന്നിംഗ്‌സുകളില്‍ ഒന്നാണ് ഓസ്‌ട്രേലിയയ്ക്ക് എതിരെ പുറത്തെടുക്കാനായതെന്ന് കോഹ്ലി പറഞ്ഞു. അവസാന ഓവറുകളില്‍ മറുവശത്ത് നായകന്‍ ധോണിയുടെ സാന്നിധ്യം പകര്‍ന്നു നല്‍കിയത് ചെറുതല്ലാത്ത കരുത്താണെന്നും കോഹ്ലി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha