പരസ്യവിപണിയില്‍ ഏറ്റവും കൂടുതല്‍ പ്രതിഫലം സ്വന്തമാക്കുന്ന ബാറ്റ്‌സ്മന്‍ എന്ന നേട്ടം ഇന്ത്യന്‍ നായകന്‍ എം.എസ് ധോണിയെ മറികടന്ന് കോഹ്ലി നേടിയിരുന്നു. ഇപ്പോള്‍ അതിന് പിന്നാലെ മറ്റൊരു നേട്ടവും താരം സ്വന്തമാക്കിയിരിക്കുകയാണ്. സോഷ്യല്‍ മീഡിയകളില്‍ ഏറ്റവും പ്രശസ്തിയുള്ള ഇന്ത്യന്‍ കായിക താരം എന്ന റെക്കോര്‍ഡാണ് കോഹ്ലി സ്വന്തമാക്കിയത്.
മാര്‍ച്ചില്‍ 12 ലക്ഷം സംസാരങ്ങളാണ് കോഹ്ലിയുമായി ബന്ധപ്പെട്ട് സോഷ്യല്‍മീഡിയകളില്‍ പ്രത്യക്ഷപ്പെട്ടത്. ധോണിയുമായി ബന്ധപ്പെട്ട് ഏഴ് ലക്ഷവുമാണിത്. സോഷ്യല്‍ മീഡിയ ട്രാക്കര്‍ ഓട്മം വേള്‍ഡ്‌വൈഡാണ് ഇക്കാര്യം പുറത്ത് വിട്ടത്.
സാധാരണ ഗതിയില്‍ ഇന്ത്യയില്‍ ഇത്തരം സംസാരങ്ങള്‍ 1.5 ലക്ഷം മുതല്‍ നാല് ലക്ഷം വരെയാണ് ഉണ്ടാവുക. എന്നാല്‍ ഇതാദ്യമായാണ് ഇത് 1012 ലക്ഷത്തിലേക്ക് ചാടിക്കയറുന്നത്. ഇപ്പോള്‍ കോഹ്ലിക്ക് ഇതില്‍ കൃത്യമായ മുന്‍തൂക്കമുണ്ട് ഓട്മം വേള്‍ഡ് വൈഡിന്റെ ചീഫ് എക്‌സിക്യൂട്ടീവ് ഓഫീസര്‍ അനുഷ ഷെട്ടി പറഞ്ഞു.
എല്ലാ കാര്യങ്ങളും ചര്‍ച്ചചെയ്യാന്‍ സാധിക്കുന്ന സോഷ്യല്‍ ലോകമാണിത്. ഇീ ചര്‍ച്ചകളില്‍ കളിയിലെ മികവിലും സൗകാര്യ ജീവതവു മൊക്കെയായി കോഹ്ലിയാണ് ഈ വര്‍ഷം സോഷ്യല്‍മീഡിയകളില്‍ മുന്നിട്ട് നില്‍ക്കുന്നത്. ഈ വര്‍ഷം ട്വന്റി20 ലോകകപ്പ് സമയത്താണ് കോഹ്ലി വ്യക്തമായ നേട്ടം കൈവരിച്ചത്.
കോഹ്ലിയും ധോണിയും ബ്രാണ്ട് അംബാസിഡര്‍മാരാണെങ്കിലും സമ്മര്‍ കാമ്പയിന്റെ ഭാഗമായി കോഹ്ലിയെ മാത്രമാണ് പെപ്‌സി പരിഗണിച്ചത്. ഇപ്പോഴുള്ള ഇമോജി പരസ്യത്തില്‍ കോഹ്ലിയും റണ്‍ബീര്‍ കപൂറുമാണുള്ളത്. ധോണിയെ സമ്മര്‍ കാമ്പയിന് എങ്ങനെ ഉപയോഗപ്പെടുത്തണം എന്നത് സംബന്ധിച്ച് തീരുമാനമായിട്ടില്ലെന്ന് പെപ്‌സി കമ്പനിയോട് അടുത്ത വൃത്തങ്ങള്‍ അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha