ഇന്ത്യന്‍ ഓള്‍റൗണ്ടര്‍ രവീന്ദ്ര ജഡേജയ്ക്ക് ഭാവി അമ്മായി അച്ഛന്റെ വക സമ്മാനം. 97 ലക്ഷത്തിന്റെ ഔഡി ക്യു7 കാറാണ് താരത്തിന് ഭാര്യ പിതാവ് വിവാഹത്തിന് മുന്നോടിയായി നല്‍കിയത്. വരുന്ന 17നാണ് ജഡേജയുടെയും റിവാബ സൊലാങ്കിയുടെയും വിവാഹം.
ഫെബ്രുവരി ഏഴിനാണ് ഇരുവരും തമ്മിലുള്ള വിവാഹം ഉറപ്പിച്ചത്. മെക്കാനിക്കല്‍ എഞ്ചിനിയറാണ് റിവാബ. തിങ്കളാഴ്ച രാജ്‌കോട്ടിലെ ഷോറൂമില്‍ നിന്നും ജഡേജയും റിവാബയും ചേര്‍ന്ന് ഏറ്റ് വാങ്ങി.
ഹര്‍ദേവ്‌സിംഹ് സൊളങ്കിയുടെയും പ്രഫുല്ലബ സൊളങ്കി ദമ്പതികളുടെ ഒറ്റ മകളാണ് റിവാബ. രാജ്‌കോട്ടില്‍ രണ്ട് സ്വകാര്യ സ്‌കൂളുകളും മൊര്‍ബിയില്‍ ഒരു വേ ബ്രിഡ്ജും നടത്തി വരികയാണ് ഹര്‍ദേവ്‌സിംഹ്. ഇന്ത്യന്‍ റയില്‍വേയില്‍ അക്കൗണ്ടന്റ് വിഭാഗത്തിലെ ജോലിക്കാരിയാണ് പ്രഫുല്ലവ.
സിറ്റിയിലെ ജഡേജയുടെ വില്ലേജില്‍ മൂന്ന് ദിവസം നീണ്ട് നില്‍ക്കുന്ന വിവാഹ ചടങ്ങുകളാകും നടക്കുക എന്നാണ് വിവരം. വിവാഹത്തിന് തലേ ദിവസം തന്റെ സഹതാരങ്ങള്‍ക്കായി ജഡേജ വന്‍ വിരുന്ന് ഒരുക്കിയിട്ടുണ്ടെന്നാണ് റിപ്പോര്‍ട്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha