കായികരംഗത്ത് ഏറ്റവും നന്നായി വസ്ത്രം ധരിക്കുന്നയാളായി ഇന്ത്യന്‍ ടെന്നീസ് താരം സാനിയാ മിര്‍സയെ തിരഞ്ഞെടുത്തു. ക്രാഫ്റ്റ്‌സ്‌വില്ല ഡോട്ട് കോം എന്ന ഓണ്‍ലൈന്‍ നടത്തിയ സര്‍വ്വേയിലാണ് സാനിയ ഈ നേട്ടത്തിനര്‍ഹയായത്. ലോക എത്‌നിക് ദിനാചരണത്തോടനുബന്ധിച്ച് നടത്തിയ സര്‍വ്വേയില്‍ 62.9 ശതമാനം പേര്‍ സാനിയയ്ക്ക് വോട്ടു ചെയ്തു.

ഇന്ത്യയുടെ തന്നെ സൈനാ നെഹ്‌വാളാണ് രണ്ടാം സ്ഥാനത്തെത്തിയത്. 18.8 ശതമാനം വോട്ടാണ് സൈനയ്ക്ക് കിട്ടിയത്. 9.3 ശതമാനം വോട്ടു നേടി ഇന്ത്യന്‍ സ്‌ക്വാഷ് താരം ദീപികാ പള്ളിക്കല്‍ മൂന്നാം സ്ഥാനത്തെത്തി. കായികതാരങ്ങള്‍ ഇത്തരം വസ്ത്രങ്ങള്‍ ധരിച്ചുകാണുമ്പോള്‍ തനിക്ക് വളരെ സന്തോഷം തോന്നുന്നുവെന്ന് ക്രാഫ്റ്റ്‌സ്‌വില്ല ഡോട്ട് കോം സഹസ്ഥാപക മോണിക്കാ ഗുപ്ത പ്രതികരിച്ചു. ബാഡ്മിന്റണ്‍ താരം ജ്വാലാ ഗുട്ട, അശ്വിനി പൊന്നപ്പ, ഷൂട്ടിംഗ് താരം ഹീന സിധു എന്നിവരും പട്ടികയില്‍ ഇടം നേടി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha