റിയോ ഒളിമ്പിക്‌സില്‍ അശ്വിനി പൊന്നപ്പയ്‌ക്കൊപ്പം ബാഡ്മിന്റണ്‍ ഡബിള്‍സില്‍ ഒരു സ്വര്‍ണം ലക്ഷ്യമിടുന്ന ഗ്ലാമര്‍ താരമാണ് ജ്വാല ഗുട്ട. ഗ്ലാമര്‍ പ്രദര്‍ശനത്തിലും പേരുദോഷത്തിലും ഏറെ വിവാദം സൃഷ്ടിച്ച താരം കൂടിയാണ് ജ്വാല. 

കളത്തിലെ ജ്വാലയുടെ ചലനങ്ങളും ശരീരവടിവുകളുമായിരുന്നു ജ്വാലയെ ശ്രദ്ധാകേന്ദ്രമാക്കിയത്. ഇറക്കംകുറഞ്ഞ ട്രൗസറും ഇറുകി കിടക്കുന്ന ടീഷര്‍ട്ടും പലപ്പോഴും യുവാക്കളുടെ ഉറക്കംകെടുത്തി. മറ്റു താരങ്ങള്‍ കളിക്കുമ്പോള്‍ ഒഴിഞ്ഞുകിടക്കുന്ന ഗാലറികളെ പൂരപ്പറമ്പാക്കാന്‍ ജ്വാലയ്ക്കായി.

ബാഡ്മിന്റണില്‍ ശ്രദ്ധിക്കപ്പെടുന്ന താരമായി വളരുന്നതിനിടെയാണ് മുഹമ്മദ് അസ്ഹറുദീനുമായുള്ള ബന്ധം ലോകമറിയുന്നത്. ഇതിനുമുമ്പേ ബാഡ്മിന്റണ്‍ താരമായിരുന്ന ചേതന്‍ ആനന്ദുമായുള്ള വിവാഹബന്ധം ജ്വാല അവസാനിപ്പിച്ചിരുന്നു. 

രണ്ടുപേരും ഹൈദരാബാദുകാര്‍, ഒരേ ജിമ്മില്‍ വരുന്നവര്‍. സമാഗമങ്ങള്‍ക്ക് അവസരങ്ങളേറെ. 2010ല്‍ ഇവരുടെ ബന്ധങ്ങള്‍ പാപ്പരാസികള്‍ പൊക്കി. ഹോട്ടലുകളില്‍ ഇരുവരും രഹസ്യ കൂടിക്കാഴ്ച്ചകള്‍ നടത്തുന്നത് മാധ്യമങ്ങളില്‍ വാര്‍ത്തയായതോടെ സംഗീത ബിജ്‌ലാനിയെന്ന രണ്ടാം ഭാര്യ അസ്ഹറിന്റെ ജീവിതത്തോട് വിടപറഞ്ഞു.

അസ്ഹര്‍ജ്വാല വിവാഹം ഉടനുണ്ടാകുമെന്ന വാര്‍ത്തകള്‍ വരാന്‍ തുടങ്ങിയ സമയമായിരുന്നു അത്. എന്നാല്‍, ഇരുവരും പിണങ്ങിയെന്ന വാര്‍ത്തകളായിരുന്നു പിന്നീട് കേള്‍ക്കുന്നത്. ജ്വാല വെറും സുഹൃത്ത് മാത്രമാണെന്നു പറഞ്ഞ് അസ്ഹര്‍ കൈകഴുകി. വിവാദങ്ങളില്‍നിന്നു പാഠമുള്‍ക്കൊണ്ട ജ്വാല ഇപ്പോള്‍ വീണ്ടും ബാഡ്മിന്റണിലേക്കു മാത്രമായി ശ്രദ്ധ കേന്ദ്രീകരിച്ചിരിക്കുകയാണ്.