പോര്‍ച്ചുഗല്‍ താരവും റയല്‍ മാഡ്രിഡിന്റെ സൂപ്പര്‍താരവുമായ ക്രിസ്റ്റ്യാനോ റൊണാള്‍ഡോയ്ക്ക് വേണ്ടിയുള്ള പുതിയ ബൂട്ട് നൈക്കി കമ്പനി പുറത്തിറക്കി. വജ്രത്തിന്റെ എല്ലാവിധ സ്വഭാവഗുണങ്ങളുമുള്ള ബൂട്ടാണിത്. വെളിച്ചം വന്ന് ബൂട്ടില്‍ പതിക്കുന്നതോടെ അത് വെട്ടിത്തിളങ്ങും. ഒരു യഥാര്‍ത്ഥ വജ്രം തിളങ്ങുന്ന അതേ ശോഭയില്‍.

ഏറ്റവും വേഗത്തില്‍ 50,100,150,200,250 ലീഗ് ഗോളുകള്‍ നേടിയ താരമാണ് റൊണാള്‍ഡോ. ക്രിസ്റ്റിയാനോയുടെ ഈ മിന്നുന്ന പ്രകടനത്തിന്റെ അടിസ്ഥാനത്തിലാണ് തങ്ങള്‍ ഇത്തരത്തിലുള്ള ഒരു ബൂട്ട് നിര്‍മ്മിച്ചത് എന്ന് നൈക്കി അധികൃതര്‍ പറഞ്ഞു.

നൈക്കിയുമായി ഇന്ത്യന്‍ രൂപ ഏകദേശം ഏഴായിരം കോടി രൂപയുടെ ആജീവനാന്ത കരാറാണ് റൊണാള്‍ഡോയ്ക്കുള്ളത്.