മീന്‍ 1 കിലോ

മഞ്ഞള്‍പ്പൊടി 1/4 ടീ സ്പൂണ്‍

മുളക്‌പൊടി 1 ടീസ്പൂണ്‍

കുരുമുളക് പൊടി 1 ടീ സ്പൂണ്‍

വെളിച്ചെണ്ണ ആവശ്യത്തിന്

മീന്‍ ചെറിയ കഷ്ണങ്ങളാക്കി മഞ്ഞള്‍പ്പൊടിയും മുളക്‌പൊടിയും കുരുമുളക് പൊടിയും ഉപ്പും ചേര്‍ത്ത് നന്നായി തിരുമ്മി ഒരു മണിക്കൂര്‍ വെക്കാം. ഇനി ചൂടായ വെളിച്ചെണ്ണയില്‍ വറുക്കുക.

കടുക് 1 ടീസ്പൂണ്‍

മഞ്ഞള്‍പ്പൊടി 1 ടീസ്പൂണ്‍ മുളക്‌പൊടി 3 ടേബിള്‍ സ്പൂണ്‍

വിനാഗിരി ആവശ്യത്തിന്

വെളുത്തുള്ളി ചതച്ചത് 10 എണ്ണം

ഇഞ്ചി ചതച്ചത് 2 ടീസ്പൂണ്‍

പച്ചമുളക് 5 എണ്ണം (ചരിച്ചോ, നാലായി കീറിയോ അരിയാം..)

ഉലുവ പൊടിച്ചത് 1/2 ടീസ്പൂണ്‍

കായം പൊടിച്ചത് 2 നുള്ള്

മഞ്ഞള്‍പ്പൊടിയും മുളക്‌പൊടിയും വിനാഗിരിയില്‍ നന്നായി കുഴച്ചെടുക്കാം.. മീന്‍ വറുത്ത അതേ എണ്ണയില്‍ കരട് മാറ്റി കുറച്ചൂടെ എണ്ണ ഒഴിച്ച് കടുക് പൊട്ടിക്കാം..

ഇനി ഇഞ്ചിയും വെളുത്തുള്ളിയും ചതച്ചത് ചേര്‍ത്ത് പച്ച മണം മാറുന്ന വരെ വഴറ്റാം. കൂടെ പച്ചമുളക് ചരിച്ചു അരിഞ്ഞതും രണ്ടു തണ്ടു കറി വേപ്പിലയും .. ഇനി വിനാഗിരിയില്‍ കുഴച്ചു വച്ച മഞ്ഞള്‍പൊടി മുളകുപൊടി കൂട്ട് ഇട്ടു വഴാറ്റാം.. ആവശ്യത്തിന് ഉപ്പും.. മീന്‍ ഉപ്പ് ചേര്‍ത്താണ് വഴറ്റിയതെന്നു മറക്കണ്ട...

അരപ്പു വഴന്നാല്‍ വറുത്തു വച്ച മീനും വേണമെങ്കില്‍ കുറച്ചൂടെ എണ്ണയും ചേര്‍ത്തോളൂ.. ഉലുവ പൊടിച്ചതും കായവും ചേര്‍ത്ത് നന്നായി ഇളക്കാം.. പത്ത് മിനിറ്റ് സമയം വേവിച്ചോളൂ...

* മീന്‍ വറുത്ത എണ്ണയില്‍ കരട് കൂടുതല്‍ ഉണ്ടെങ്കില്‍ പുതിയ എണ്ണയില്‍ അരപ്പ് വഴറ്റി, മീന്‍ ചേര്‍ക്കുമ്പോള്‍ വറുത്ത എണ്ണ കൂടി ഒഴിക്കാം...

* അച്ചാര്‍ സൂക്ഷിക്കുന്ന കുപ്പി കഴുകി തുടച്ചു വെയില്‍ വച്ച് ഉണക്കിയെടുക്കണം.. അച്ചാര്‍ മാറ്റുന്നതിന് മുന്‍പ് തീയില്‍ കുപ്പി കാണിച്ചു ചെറുതായൊന്നു ചൂടാക്കി തണുത്തിട്ടു മാറ്റാം..