സാരിക്കും ദാവണിക്കുമൊപ്പം കൈനിറയെ കുപ്പിവള അണിഞ്ഞിരുന്നൊരു കാലമുണ്ടായിരുന്നു. പണ്ട് ഉത്സവപ്പറമ്പിലെയും വഴിക്കച്ചവടക്കാരുടെ കൈയിലേയും കുപ്പിവളക്കായി കൊതിച്ചിരുന്ന സ്ത്രീകളുണ്ടായിരുന്നു. ഇപ്പോഴും മലയാളി പെണ്‍കുട്ടികള്‍ക്കു കുപ്പിവള ഇഷ്ടമാണ്. പണ്ട് ഒറ്റ നിറത്തില്‍ കിലുങ്ങിയിരുന്ന കുപ്പിവളകള്‍ക്ക് എന്തെല്ലാം മാറ്റങ്ങളാണ് ഇന്നുണ്ടായിരിക്കുന്നത്. കുറച്ചുകാലം കുപ്പിവള ഫീല്‍ഡില്‍ നിന്ന് ഔട്ടായെങ്കിലും ഇപ്പോള്‍ വീണ്ടും പടികടന്നെത്തിയിരിക്കുകയാണ്. അല്‍പം പ്രതാപത്തോടെ...

കുപ്പിവളയുടെ ഫാഷനില്‍ വളരെയേറെ മാറ്റമാണ് ഇന്നുണ്ടായിരിക്കുന്നത്. മുത്തുകളും അലുക്കുകളും കൊണ്ടു തൊങ്ങല്‍ ചാര്‍ത്തിയും ബ്രൈറ്റ് കളേഴ്‌സുമൊക്കെയായി കുപ്പിവളകിലുക്കം മുഴങ്ങുകയാണ്. ഡസനായി കൈകളില്‍ ഇട്ടിരുന്ന÷ കുപ്പിവളകള്‍ ഇന്നു സിംഗിളും ഡബിളുമായിട്ടാണു പെണ്‍കൊടികള്‍ അണിയുന്നത്. അല്‍പം വീതി കൂടിയ കുപ്പിവളകളാണ് ലേറ്റസ്റ്റ് ട്രെന്‍ഡ്.