പഴം കഴിക്കാനെടുക്കുമ്പോള്‍ തോല്‍ എടുത്ത് ദൂരെ കളഞ്ഞിട്ട് പഴം മത്രം കഴിക്കുന്നവരാണ് നമ്മള്‍ എല്ലാവരും. എന്നാല്‍ പഴത്തൊലി നിറയെ പോഷക സംപുഷ്ടമാണെന്നാണ് വിദഗ്ധര്‍ അവകാശപ്പെടുന്നത്. മാത്രമല്ല ശരീരഭാരം കുറയ്ക്കാനും ഇത് ഉത്തമമത്രേ.
പഴത്തോലില്‍ അടങ്ങിയിരിക്കുന്ന വൈറ്റമിന്‍ എ പ്രതിരോധശേഷി കൂട്ടുകയും അണുബാധയ്‌ക്കെതിരെ പ്രവര്‍ത്തിക്കുകയും ചെയ്യും.
നിരവധി ആന്റി ഓക്‌സിഡന്റുകളാലും വൈറ്റമിന്‍ ബി, ബി സിക്‌സ് എന്നിവയാലും സംപുഷ്ടമാണ് പഴത്തോല്‍.
ഇതിലടങ്ങിയിരിക്കുന്ന ലൂട്ടെയ്ന്‍ എന്ന പദാര്‍ഥം കണ്ണിന്റെ ആരോഗ്യം സംരക്ഷിക്കുകയും തിമിരത്തെ പ്രതിരോധിക്കുകയും ചെയ്യും.
ഇതിലുള്ള ലയിക്കുന്നതും അലിയാത്തതുമായ നാരുകള്‍ ദഹനപ്രക്രിയയെ സഹായിക്കുകയും ശരീരത്തിലെ കൊഴുപ്പ് കുറയ്ക്കുകയും ചെയ്യും. പഴത്തിലുള്ളതിനെക്കാളും പൊട്ടാസ്യവും നാരുകളും തോലില്‍ അടങ്ങിയിട്ടുണ്ട്. പച്ചത്തോല്‍ ആണോ അതോ മഞ്ഞ നിറത്തിലുള്ള പഴുത്ത തോലാണോ എന്നുള്ള സംശയം ഉണ്ടാവുക സ്വാഭാവികം. ആരോഗ്യ വിദഗ്ധര്‍ ശുപാര്‍ശ ചെയ്യുന്നത് പഴുത്ത പഴത്തിന്റെ തൊലിയാണ്. ഇതിന് കാന്‍സര്‍ പ്രതിരോധിക്കുകയും ശ്വേതരക്താണുക്കളുടെ ഉല്‍പാദനം കൂട്ടുകയും ചെയ്യാനുള്ള കഴിവുമുണ്ട്. പച്ചത്തോല്‍ ആണ് ഉപയോഗിക്കുന്നതെങ്കില്‍ തോല്‍ മാര്‍ദവമുള്ളതാകാന്‍ 10 മിനിട്ടു നേരം തിളപ്പിച്ച ശേഷം ഉപയോഗിക്കുക.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha