പ്യൂര്‍ട്ടോറികോയുടെ പത്തൊന്‍പതുകാരിയായ സ്‌റ്റെഫൈന്‍ ഡെല്‍ വാലെ 2016 ലെ ലോകസുന്ദരി. നൂറിലധികം പേരെ പിന്നിലാക്കിയാണ് ഈ നേട്ടം. ഡൊമിനികന്‍ റിപ്പബ്ലിക്, ഇന്തൊനീഷ്യ എന്നീ രാജ്യങ്ങളിലെ മല്‍സരാര്‍ഥികളാണ് രണ്ടും മൂന്നും സ്ഥാനത്ത്. സ്‌റ്റെഫൈന് സ്പാനിഷ്, ഇംഗ്ലീഷ്, ഫ്രഞ്ച് ഭാഷകള്‍ അറിയാം. വിനോദ മേഖലയിലേക്ക് കടക്കാനാണ് 2016 ലെ ലോക സുന്ദരിയുടെ ആഗ്രഹം. 2015ലെ ലോകസുന്ദരി മിറിയ ലാലഗുണ സുന്ദരിപ്പട്ടം സ്‌റ്റെഫൈന്‍ ഡെല്‍ വാലെയെ അണിയിച്ചു.

ആദരവ് വലിയ ഉത്തരവാദിത്തമാണെന്ന് സ്‌റ്റെഫൈന്‍ പ്രതികരിച്ചു. ഡൊമിനികന്‍ റിപ്പബ്ലിക്കിന്റെ യാര്‍ടിസ മിഗുലേന ഫസ്റ്റ് റണ്ണറപ്പും ഇന്തൊനീഷ്യയുടെ നടാഷ മന്നുലെ മൂന്നാം സ്ഥാനത്തുമെത്തി.