സ്വര്‍ണം എന്നും വിലപ്പെട്ട ലോഹം തന്നെയാണ്. വില എത്ര കൂടിയാലും സ്വര്‍ണാഭരണങ്ങള്‍ ധരിക്കുന്നതില്‍ ആരും ഒരു കുറവും വരുത്താറില്ല. എന്നാല്‍ സ്വര്‍ണം കൊണ്ട് ടോയ്‌ലറ്റ് ആയാലോ? സ്വർണത്തിൽ തീർത്തൊരു ടോയിലറ്റ് പൊതുജനങ്ങൾക്ക് ഉപയോഗിക്കാനായി തുറന്ന് കൊടുത്തിരിക്കുകയാണ് ന്യൂയോര്‍ക്കിലെ ഗൂഗന്‍ഹെയിം മ്യൂസിയം.
കാണികള്‍ക്കായി അവര്‍ ഒരുക്കിയിരിക്കുന്ന ആകര്‍ഷകമായ ഒരു കാഴ്ച മാത്രമാണിതെന്ന് കരുതുന്നവര്‍ക്ക് തെറ്റി. മറ്റേത് ടോയിലറ്റുകളും പോലെ ഇതും സന്ദര്‍ശകര്‍ക്ക് ഉപയോഗിക്കാനാണ് നിര്‍മ്മിച്ചിരിക്കുന്നത്. സ്വർണമാണെന്നു കരുതി ഉപയോഗിക്കുന്നതിനു ചെലവേറുമെന്നു ഭയപ്പെടേണ്ടാ. തീർത്തും സൗജന്യമായിരിക്കുമെന്നാണ് ശിൽപ്പിയായ ഇറ്റാലിയന്‍ കലാകാരന്‍ മൗറീസ്യോ കാറ്റെലന്‍ പറയുന്നത്.