സന്ദര്ശകരുടെ പ്രവാഹം... നീലക്കുറിഞ്ഞിയല്ല പകരം മേട്ടുക്കുറിഞ്ഞി... ഇടുക്കിയില് വീണ്ടും നീലവസന്തം തീര്ത്ത് കുറിഞ്ഞിപ്പൂക്കള് വിടര്ന്നു..
![](https://www.malayalivartha.com/assets/coverphotos/w657/316564_1723359291.jpg)
ഇടുക്കിയില് വീണ്ടും നീലവസന്തം തീര്ത്ത് കുറിഞ്ഞിപ്പൂക്കള് വിടര്ന്നു. പീരുമേടിന് സമീപത്തെ പരുന്തുംപാറയിലാണ് കുറിഞ്ഞി കൂട്ടത്തോടെ പൂവിട്ടത്. പക്ഷേ, ഇത്തവണ വിരിഞ്ഞത് നീലക്കുറിഞ്ഞിയല്ല പകരം മേട്ടുക്കുറിഞ്ഞിയാണ്.
ഇടുക്കിയിലെ പ്രധാന വിനോദ സഞ്ചാര കേന്ദ്രങ്ങളിലൊന്നായ പരുന്തും പാറയിലെ മലനിരകളിലൊന്നിലാണ് കുറിഞ്ഞി പൂത്തു നില്ക്കുന്നത്. നീലക്കുറിഞ്ഞിയുടെ വകഭേദമായ മേട്ടുക്കുറിഞ്ഞിയാണിത്.
ഏഴു വര്ഷത്തില് ഒരിയ്ക്കലാണ് മേട്ടുക്കുറിഞ്ഞി പൂക്കുന്നത്. സമുദ്ര നിരപ്പില് നിന്ന് 1,200 മീറ്റര് വരെ ഉയരമുള്ള സ്ഥലത്താണിവ വളരുക. പരുന്തുംപാറക്കൊപ്പം അഷ്ലിയിലെ മലനിരകളിലും കട്ടപ്പന കല്യാണത്തണ്ടിലും മേട്ടുക്കുറിഞ്ഞി പൂത്തിട്ടുണ്ട്. നിരനിരയായി കൂട്ടത്തോടെ പൂത്തുനില്ക്കുന്ന കുറിഞ്ഞിപ്പൂക്കള് കാണാനും ചിത്രങ്ങള് പകര്ത്താനും നിരവധി പേരാണ് ഇവിടങ്ങളിലേക്കെത്തുന്നത്. മഴയില്ലെങ്കില് രണ്ടു മാസം വരെ കുറിഞ്ഞിപ്പൂക്കള് നിലനില്ക്കും .
"
https://www.facebook.com/Malayalivartha