വയനാട്ടിലെ ഇക്കോ ടൂറിസം കേന്ദ്രമായ കുറുവ ദ്വീപ് ചൊവ്വാഴ്ച തുറക്കും. എട്ടുമാസമായി അടച്ചിട്ടിരുന്ന ഇക്കോ ടൂറിസം കേന്ദ്രങ്ങള്‍ തുറക്കാന്‍ ഹൈക്കോടതി നല്‍കിയ അനുമതിയുടെ അടിസ്ഥാനത്തിലാണ് കുറുവയില്‍ സഞ്ചാരികള്‍ക്ക് പ്രവേശനം നല്‍കുന്നത്.

പുല്‍പ്പള്ളി പാക്കം ചെറിയമല, മാനന്തവാടി പാല്‍വെളിച്ചം ഭാഗങ്ങളില്‍ നിന്ന് 200 പേരെ വീതം പ്രവേശിപ്പിക്കുന്നതാണ്. ചെമ്പ്ര പീക്ക്, ബാണാസുരമല- മീന്‍മുട്ടി വെള്ളച്ചാട്ടം എന്നിവ 21ന് തുറക്കും. കാറ്റുകുന്ന് ആനച്ചോല ട്രക്കിങ്ങും അന്നുതന്നെ ആരംഭിക്കുകയും ചെയ്യും.