സന്ദര്‍ശക പ്രവാഹം.... തണുത്തുറഞ്ഞ പുലരികളെ വരവേല്‍ക്കാനാരംഭിച്ച് ഊട്ടി....നവംബര്‍ അവസാനമായതോടെ ഊട്ടിയിലിനി മഞ്ഞുവീഴ്ചയുടെ കാലമാണ്. രണ്ട് മാസം ഇനി ഊട്ടിയുടെ പല പുലരികളും മഞ്ഞുകൊണ്ട് മൂടും.

ഇന്നലെ പുലര്‍ച്ചെ ഊട്ടിയിലെ താഴ്ന്ന പ്രദേശങ്ങളില്‍ മഞ്ഞുവീഴ്ചയുണ്ടായി. കാന്തല്‍, റേസ്‌കോഴ്സ്, സസ്യോദ്യാനം, തലകുന്ത എന്നിവിടങ്ങളിലാണ് മഞ്ഞുവീണത്. പുലര്‍ കാലത്ത് നല്ല കുളിരും അനുഭവപ്പെടുകയുണ്ടായി.
പകല്‍സമയത്തെ വെയിലിന്റെ കാഠിന്യം അനുസരിച്ച് രാത്രി തണുപ്പും വര്‍ദ്ധിക്കും. കഴിഞ്ഞദിവസം കുറഞ്ഞ താപനില അഞ്ചുഡിഗ്രി സെല്‍ഷ്യസ് രേഖപ്പെടുത്തി. ജനുവരിമാസം ആദ്യവാരത്തില്‍ കുറഞ്ഞ താപനില പൂജ്യത്തിന് താഴെ രേഖപ്പെടുത്തിയിട്ടുണ്ടായിരുന്നു.