മൂന്നാറില്‍ മഞ്ഞുവീഴ്ച... മൂന്നാര്‍ അതി ശൈത്യത്തിലേക്ക്, വിനോദ സഞ്ചാരികളുടെ ഒഴുക്ക്
മൂന്നാറില്‍ മഞ്ഞുവീഴ്ച... മൂന്നാര്‍ അതി ശൈത്യത്തിലേക്ക്, വിനോദ സഞ്ചാരികളുടെ ഒഴുക്ക്. തണുപ്പിന്റെ കാഠിന്യവും വര്‍ധിച്ചു. മൂന്നാര്‍ അതി ശൈത്യത്തിലേക്ക് എന്ന സൂചനയാണിത്.
ക്രിസ്മസ് പുതുവര്‍ഷ അവധിക്കാലവും ആരംഭിച്ചതോടെ മൂന്നാറില്‍ ശനിയാഴ്ച മുതല്‍ വിനോദ സഞ്ചാരികളുടെ വരവ് വര്‍ദ്ധിച്ചു. സന്ദര്‍ശകരില്‍ ഭൂരിഭാഗവും മലയാളികളാണ്. താമസിക്കാന്‍ മുറികള്‍ കിട്ടാത്ത സാഹചര്യവുമുണ്ട്. വടക്കേ ഇന്ത്യയില്‍ വിവാഹ സീസണായതിനാല്‍ മധുവിധു ആഘോഷിക്കാനായി എത്തുന്നവരും ധാരാളം.
രാജമലയുടെ ഭാഗമായ കന്നിമല, ചെണ്ടുമല, വട്ടവട എന്നിവിടങ്ങളിലാണ് വ്യാപകമായി മഞ്ഞുവീഴ്ചയുണ്ടായത്. ശക്തമായ തണുപ്പും രേഖപ്പെടുത്തി. കഴിഞ്ഞ ഒരാഴ്ചയായി താപനില 5 മുതല്‍ 8 ഡിഗ്രി സെല്‍ഷ്യനിടയിലാണ്. രാത്രിയിലും പുലര്‍ച്ചെയും അതിശക്തമായ തണുപ്പാണ് അനുഭവപ്പെടുന്നത്.
സഞ്ചാരികളുടെ തിരക്കു വര്‍ധിച്ചതിനെ തുടര്‍ന്ന് പ്രധാന വിനോദ സഞ്ചാര കേന്ദ്രങ്ങളായ രാജമല, മാട്ടുപ്പെട്ടി, ടോപ് സ്റ്റേഷന്‍, കുണ്ടള, ഫ്‌ലവര്‍ ഗാര്‍ഡന്‍, ഇക്കോ പോയിന്റ്, പഴയ മൂന്നാര്‍ ബ്ലോസം പാര്‍ക്ക്, ദേവികുളം റോഡിലെ ബോട്ടാണിക്കല്‍ ഗാര്‍ഡന്‍ എന്നിവിടങ്ങളില്‍ ഗതാഗത കുരുക്ക് ആരംഭിച്ചു. വരും ദിവസങ്ങളില്‍ തണുപ്പ് തേടി ധാരാളം സഞ്ചാരികള്‍ എന്നാനും സാധ്യത .
https://www.facebook.com/Malayalivartha
