ബജറ്റ് സര്‍വീസ് കാരിയറായ സ്‌പൈസ് ജെറ്റ് ഫെസ്റ്റിവല്‍ ഓഫര്‍ പ്രഖ്യാപിച്ചു. ആഭ്യന്തര സര്‍വീസുകള്‍ക്ക് 888 രൂപയും അന്താരാഷ്ട്ര സര്‍വീസുകള്‍ക്ക് 3,666 രൂപയും നിരക്കിലാണ് ടിക്കറ്റ് ലഭിക്കുക. ഒക്ടോബര്‍ ഏഴു വരെ ടിക്കറ്റ് ബുക്ക് ചെയ്യാന്‍ കഴിയും. നവംബര്‍ എട്ടിനും അടുത്തവര്‍ഷം ഏപ്രില്‍ 11നും ഇടയിലാണ് യാത്ര ചെയ്യാന്‍ കഴിയുക. 

ബംഗളൂരു-കൊച്ചി, ഡല്‍ഹി-ഡെറാഡൂണ്‍, ചെന്നൈ-ബംഗളൂരു എന്നീ റൂട്ടുകളിലാണ് 888 രൂപയുടെ ഓഫര്‍ പ്രഖ്യാപിച്ചിരിക്കുന്നത്. ചെന്നൈ-കൊളംബോ ഉള്‍പ്പെടെയുള്ള അന്താരാഷ്ട്ര റൂട്ടുകളിലാണ് 3,666 രൂപ ഓഫര്‍. എന്നാല്‍ എത്ര സീറ്റുകള്‍ ഓഫറിനായി നീക്കിവച്ചിട്ടുണ്ടെന്ന് സ്‌പൈസ് ജെറ്റ് വെളിപ്പെടുത്തിയില്ല.